再不在這兒寫些東西，恐怕日後會有些霉菌黏在這裏了。

好像還未有人開始寫今年回顧，讓我搶先寫第一個先

1. 以前入大學後少寫了很多字，之後變成執筆忘字；今日入大學後少打了網誌，開始出現執「盤」忘字的情況 ；
2. 十年內首先考試攞A，亦首次在Master課程中感覺被屈機；
3. 發現原來兼職學生讀多少科目都沒所謂，不過工作量只是增加少少反而會感覺辛苦多多；
4. 棒球方面，第一次參加新秀賽，第一次在正式比賽攞分、第一次在正式比賽被觸殺，不過從未揮過棒，亦從未殺過任何一個跑者；
5. 第一次加入乙組球隊操練，感覺自己及隊友們都不斷進步，只是距離能在乙組打滾能力還差一段漫漫長路；
6. 第一次自己一手一腳建網站，以 coding free 建網站的方向正確，只是小弟沒甚麼美感，網頁不太美觀，不過以第一個網站來說，算不錯啦（又替自己找藉口 ）；
7. 工作方面，第一次跟外國人開會；第一次在這間公司的會議中發言；第一次在工作中寫Java；第一次玩Web Service；第一次玩 Bug Tracking System，程式編寫技巧又進步了一點，可以說是在事業上的小小成果吧；
8. 朋友方面，中同忙了，聚會好像少了一點，大同也算保持維繫，不得不提第一次在畢業後第一次跟大O在一年中有超過一次聚會，第一次跟麥生仁及Amy組聚，第一次在朋友間交換聖誕禮物，第一次在交換禮物中得到玩樂型的禮物，第一次在街上聊天到通宵，第一次參加同齡朋友的婚宴；
9. 還有第一次跟同學到內地旅行，第一次到外地探望在外地工作的朋友，第一次收到朋友在本地寄出的明信片；
10. 同事方面，第一次到舊同事家玩B，第一次把上司加進的fb、第一次跟同事參加慈善活動；
11. 其他還有第一次在滑水中上到水，第一次在視窗中移除IE，第一次使用google chrome，第一次玩RSS，開始在火狐中玩Add-on；
12. 至於來年展望呢．．．．．．留待明年再寫吧。

兩個任務

最近忙緊兩個任務，其中一個當然是公司野。

一向有追開小弟的日誌，都知道小弟很少在這裏寫公司野，因為有機會讓同事（包括上司）看到嘛，唔係咁方便寫d衰野XD

不過無辦法，因為另一個任務未出得街，唯有寫住呢個先。

其實個任務其實很簡單，就是要在packet上加一個field。

甚麼packet？說起來真是一匹布咁長。

話說小弟的公司是做EPG（剛剛才學會這個term，所以以前一直都唔識講自己公司做緊乜），簡單來說就是一個一般香港人都未見過既產品，詳情可看百度百科

而作為一個software engineer，在這個產品中最主要既任務就是砌packet。簡單來說就是一些一般人都未見過既東西，詳情可看維基

所以簡單來說，小弟既工作就是在一個一般香港人未見過產品入面整一d未見過既東西，係咪好玄呢。

講番個packet，為左加一個field仔，公司竟然寫左份十幾頁既doc，理論上用寫這份doc既時間應該可以砌幾個field（明白了為何IT人不愛寫doc吧）。不過份doc唔係我寫，所以我不會關心份doc花了多少時間去寫

跟住 doc 做，其實唔使十五分鐘就已經完成 coding（因為份doc有埋 d code，我只係搵位插番落去）。不過這個任務花了一個星期還未完成。何解？

因為我唔識點 test

做d咁玄既野，份doc同做testing 既系統都有番咁上下玄。個testing 系統都唔算好玄gei，只不過我對左兩年都唔知佢做緊乜野lor，以往只係不斷問人點做點做先可以胡混過關。

不過我既然可以由零開始征服到Joomla，我相信我亦都可以由零開始征服呢個系統。

講就易jei，話晒對左兩年都唔知做乜，你估真係咁易征服咩～

不過摸下摸下又俾我摸到d野wor，試下試下又真係俾我做到testing wor，結果無乜指導下，一星期內已經做好一半testing啦，我係咪好叻呢？

剩番一半望落同上一半好似，只係用詞遣字有少少唔同，未係好知要做d乜，唯有下星期繼續。

--

123456789

話說上個月得悉今日有個神奇的一刻，就是在12:34:56 7/8/9的時候會出現123456789。於是我一直等一直等，等了一個月，終於等到今天。

大概在十一時的時候，我望著桌面上的鐘，時間一秒一秒的流過。

流到12:30，上司突然走來談談公事。

開了個「小小」的會議後，我再望望鐘，原來已經12:40！我錯失了這個一生人只會出現一次的時刻。

「一生人大概會錯失很多只會出現一次的時刻，例如12:34:57 7/8/9，多一個也不怎麼樣」我唯有這樣安慰自己。